| Natomboka androany faha 18 Novambra 2021 ka haharitra 2 andro ny atrikasa momba ny fampiroboroboana ny fandraisana anjaran’ny tanora eo amin’ny sehatra politika sy fitantanana ny raharaham-panjakana.
Mpiantsehatra maro isantsokajiny no hita ao anatin’izany izay ahitana Tanora mpandraharaha, mpikambana ao anaty fikambanana tanora sy antoko politika ary Tanora tomponan-draikitra anaty vondrona maro samihafa. Izao hetsika izao moa dia fiaraha-miasan’ny Minisiteran’ny Tanora sy ny Fanatanjahantena sy ny « Centre Europeen d’Appui Electorale ECES » ary ny « Organisation Internationale de la Francophonie OIF ». Nandritra ny fanokafana tamin’ny fomba ofisialy ny atrikasa dia nanamafy i Ramatoa Juliana RATOVOSON, Minisitra Lefitra misahana ny Tanora, fa « isan’ny fanamby amin’ny asa fampiroboroboana ny tanora malagasy ny fandraisana anjaran’ny tanora amin’ny raharaham-pirenena sy ny fanapahan-kevitra raisina rehetra ». Mifanojo ihany koa amin’ny fandaharan’asan’ny fitondram-panjakana ankehitriny izany sy ny votoantin’ny « Pacte National des Jeunes » izay novolavolain’ny tanora ny taona 2018 dia ny firotsahan’ny tanora antsehatra feno amin’ny fiainam-pirenena. Zava-dehibe izao hetsika izao satria manome lanja ny feon’ny tanora amin’ny fandraisana fanapahan-kevitra isan’ambaratonga.Tafiditra ao anatin’izany ny fanetsiketsehana ny Parlemanta Nasionaly ho an’ny Tanora eto madagasikara na ny PNJ-M #MJS #jeunessemadagasikara #DGJ #OIF #ECES #CCMAJ
|
FIARAHA-MIENTANA MITSINJO NY MPIARA-BELONA: MIALY RAJOELINA NIDINA TENY IFOTONY
Nandritra ny fidinana ifotony izay nataon'ny vadin'ny Filohan'ny Repoblika, Ramatoa Mialy RAJOELINA, sady filohan'ny Association FITIA dia nanotrona azy teny antoerana ireo Minisitra vehivavy izay mpikambana ao anatin'ny Governemanta. Nisy ny fizarana koba aina sy...
