Nanatontosa fitsidihana ara-pomba fanajana an-dRamatoa RATOVOSON Tahina Juliana, Minisitra Lefitra misahana ny Tanora, Andriamatoa Chasper Sarott, masoivohon’ny firenena Suisse eto Madagasikara, ny alakamisy faha 13 janoary 2022.
Ankoatra ny fifampiarahabana nahatratraran’ny roa tonta ny taona vaovao 2022 dia nisy ny dinika ny amin’ny fiaraha-miasa azo atao avy amin’ny Firenena Suisse sy ny Departemanta tarihin-dRamatoa Minisitra Lefitra misahana ny Tanora.
Tetik’asa maro mahakasika tanora araka izany no ho tontosaina, toy ny fanamafisana ny fandriampahalemana sy ny tohana amin’ny fandraharahana ataon’ny Tanora.
Teo koa ny fifanakalozan-kevitra izay mety ho tosika ho an’ireo « Maisons des Jeunes », anisany naroson-dRamatoa Minisitra lefitra ihany koa ny hametrahana Maison des Jeunes eto Antananarivo renivohitra. Ny Firenena Suisse rahateo moa dia malaza amin’ny fanohanana ireo tetik’ asa manasoa ny fampandrosoana ny maha olona.
Tsy adino tao anatin’ny fifampiresahana ny hampitomboana ny fahafahan’ireo tanora malagasy misitraka fiofanana sy fandratoana fianarana any amin’ity firenena ity izay efa misy isan-taona.
© VMJ Janv 2022
