Manatanteraka atrik’asa ho fanavaozana sy fandikana amin’ny fiteny frantsay ny boky fampiofanana ny tanora« Life skills » ny eo anivon’ny « Direction générale de la Jeunesse » miaraka amin’ireo teknisiana eo anivon’ny Ministra Lefitra misahana ny tanora sy ny Ministeran’ny Tanora ary Fanatanjahan-tena.
Marihina fa fandaharan’asa iray entina manova ny fitondram-pihetsika amin’ny tanora iray, hahaizany mahafantatra ny tenany, mifandray amin’ny hafa, mifehy ny fihetseham-pony, hananany ny fihoarana manoloana ny vesatra sy ny tsindry izay ataon’ny namany indrindra manoloana ireo naman-dratsy, ny hanany fijery miabo mandrakariva ary koa ahafahany mandray ny fanapahan-kevitra matotra sy mahomby ho fanomanany fianan-koaviny no hevi-baventy homena ireo tanora amin’izany.
Izao lahan’asa izao no atao dia mba hanan’ny ministera boky fampiofanana manokana ny tanora ary hohampiasain’ireo rehetra mpisehatra ho fampivoarana ny tanora manerana an’i Madagasikara.
Efa nahitam-bokatra ny fampiharana ity fandaharan’asa ity teny amin’ny faritra 11 izay niarahana tamin’ny UNICEF ary hitarina amin’ny faritra 23 ihany koa.
Anisany paik’ady lehibe entina mampandroso ny tanora araka izany ny « Life skills » ka tanjona ny hanamafisana ny fiaraha-miasa amin’ireo mpamatsy vola maro samihafa ka hampifanindry an-dalana ny fanohanan’izy amin’ny politikam-pirenena ho an’ny Tanora.
Noho izany dia hampahafantarina ireo mpiara-miombon’antoka ny boky rehefa voadika amin’ny fiteny frantsay. Izao atrik’asa izao dia tontosaina ao anatin’ny fiaraha-miasa amin’ny UNICEF.
© VMJ Feb 2022