MINISTÈRE DE LA JEUNESSE

ET DES SPORTS

FLASH

FARITRA FITOVINANY : FITOKANANA NY KIANJA MANARAPENITRA

Notanterahana ny 27 novambra 2022 ny fitokanana ny kianja manarapenitra vaovao ao Manakara, Faritra Fitovinany.

Tonga nitokana izany ny Filohan’ny Repoblika Andry RAJOELINA, notronin’Andriamatoa Praiminisitra NTSAY Christian ary ny Minisitry ny Tanora sy ny Fanatanjahantena, Andriamatoa TINOKA Roberto, notronin’ny Ramatoa Christine RAZANAMAHASOA, Filohan’ny Antenimeram-pirenena sy ny Filoha Lefitrin’ny Antenimeram-doholona, Andriamatoa Nicolas RABEMANANJARA ary ireo olo-manankaja ambony maro samihafa niaraka tamin’ny vahoakan’i Faritra Fitovinany.

Nandritra ny fandraisam-pitenenana izay nataon’Andriamatoa Minisitra no nisaorany sy nankasitrahany ny Filoham-pirenena. Nasongadiny tamin’izany ny maha- zava-dehibe ny fananana fotodrafitrasa ara-panatanjahantena raitra toy izao, izay entina hikarakarana ny tanora sy hampiasaina amin’ny lafiny fanabeazana.

Nambarany fa efa eo andalam-pamitana koa ireo Kianja Mitafo miisa 18 hijoro tsy ho ela eny anivon’ny Faritra sy ny Distrika manerana ny Nosy.

Notsipihany manokana ihany koa ny fahavonan’ny Fitondram-panjakana amin’ny fandraisana ny Lalaon’ny Nosy andiany faha-11 eto Madagasikara amin’ny taona 2023.

Namafisin’Andriamatoa Ministra fa fananana iaraha-manana ny foto-drafitrasa toy izao, izay hipetraka ho an’ny taranaka faramandimby ka noho izany indrindra no anentanana ny rehetra amin’ny fikojakojana sy fikarakarana ary indrindra ny fanajana ny Kianja.

Tsy diso anjara araka izany ny tanora sy ny mpanao fanatanjahantena eto Manakara satria afaka mandray anjara tanteraka amin’ny fanomanan-tena sy mandray ary mikarakara lalao eto an-toerana.

Teo ampamaranana dia nanolotra fitaovana ara-panatanjahantena toy ny baolina sy fanamiana ho an’ireo klioba sy ho an’ny ligim-paritra Fitovinany ny Filoham-pirenena Andry RAJOELINA.

Autre Articles

ATRIK’ASA MAHAKASIKA NY ZON’NY ANKIZY

ATRIK’ASA MAHAKASIKA NY ZON’NY ANKIZY

Notanterahina ny 25 hatramin'ny 27 aprily 2023 tao amin'ny ILO hôtel Ambohidratrimo ny atrik'asa mahakasika ny fanentanana sy fanoloran-tenan'ireo Governora sy ireo Préfet amin'ny fandrindrana ny fampiharana ary ny fanaraha-maso ny fandraisan'ny sehatra maro anjara...

TARANJA TOLONA: FAMPIOFANANA MPANAZATRA SY MPITSARA

TARANJA TOLONA: FAMPIOFANANA MPANAZATRA SY MPITSARA

Notanterahana ny 25 aprily 2023 tetsy amin'ny Lapan'ny Fanatanjahantena Mahamasina ny fotoam-pizarana ny  taratasim-panamarinana ho an'ireo mpanazatra eo amin'ny taranja tolona miisa 26 nanaraka fiofanana nandritra ny 5 andro niarahana tamin'ireo manam-pahaizana...

FAMPIOFANANA ETO ANIVON’NY ACADEMIE NATIONALE DES SPORTS

FAMPIOFANANA ETO ANIVON’NY ACADEMIE NATIONALE DES SPORTS

Notontosaina teto amin’ny ANS Ampefiloha ny fotoam-pamaranana ny fampiofanana izay natao ny 17 hatramin’ny 20 aprily 2023 lasa teo hoan’ireo mpanentana eo anivon’ny toerana fanetseham-batana. Ny tanjona dia hampiasaina amin’ny fanabeazana sy fampiroboroboana ny...