Ho fanomanana ny fiatrehana ny lalao iraisan’ny firenena miteny frantsay na ny » Jeux de la Francophonie » andiany faha 9 izay ho tanterahina any Congo Kinshasa ny 29 jolay hatramin’ny 6 Aogositra 2023 hoavy izao dia nanatanteraka fivoriana izay niarahana tamin’ireo Filohan’ny Federasiona sy ny Tale Teknika isaky ny taranja voakasik’izany ny tompon’andraikitra eo anivon’ny Minisitera izay notarihan’ny Tale Jeneralin’ny Fanatanjahatena, Ramatoa Rosa RAKOTOZAFY.
Miditra tanteraka ao anatin’ny fikarakarana ny fisoratana anarana ho an’ny delegasiona Malagasy isika ho an’ny Fanatanjahantena raha toa ka efa vita manontolo ny an’ny Kolontsaina.
Izany dia tafiditra tao anatin’ny votoatin’ny fivoriana faharoa nampitain-davitra izay notanterahina ny faha 27 febroary 2023 teo niaraka tamin’ny Komity Iraisam-pirenena ny Lalao Frankofonia na Comité International des Jeux de la Francophonie.
Taranja miisa valo no hifaninanana mandritra io Lalao Lehibe io izay andraisan’i Madagasikara anjara daolo hatreto dia ny Athlétisme, Football, Basket-ball, Handisport Athlétisme, Judo, Lutte libre, Lutte Africain ary Tennis de table.
Ny taranja sasany kosa mba hahamaritoerana ny fandraisantsika anjara, dia mila mahatratra « Minima » na fe-potoana takiana mba hahafahana mandray anjara. Efa nahavita izany dingana izany ny taranja Football sy ny Basketball.
