Notanterahina tetsy amin’ny INSCAE 67Ha, ny 19 aprily 2023 ny kaonferansa momba ny » Fitantanana ny fanatanjahantena eo amin’ny sehatra avo lenta » , izay nokarakarain’ny « The Futur is feminine »
Nisy ny fifanakalozan-kevitra tamin’ireo mpandray anjara izay nandraisan’ny Tale Jeneraly misahana ny Fanatanjahantena eto anivon’ny Minisitera, Ramatoa Rosa RAKOTOZAFY.
Nandritra izany no nizarany ny traikefa ananany, nentiny anampina ireo mpandray anjara. Ny mpitantana ara-panatanjahantena mahomby dia mametraka vina, mahafehy ny zavatra sahanina, ary tonga fakahantahaka sy famporisiana ny hafa amin’ny fahaizana mitarika.
Manana ivon-toerana ara-panatanjahantena isika, toy ny Académie Nationale des Sports (ANS), Institut National de la Jeunesse (INJ), Ecole Normal Supérieure (ENS). Ary manana ihany koa ireo fotodrafitrasa ara-panatanjahantena maro manerana ny Nosy izay hahafahana mandray ireo fifaninana ara-panatanjahatena maro.
Ny fitondram-panjakana dia manohana ary mandray anjara feno amin’ny fanandratana avo ny voninahim-pirenena amin’ny alalan’ny fanatanjahantena, izay voarakitra ao amin’ny velirano faha 13 napetraky ny Filoham-pirenena Andry RAJOELINA.
Teo am-pamaranana dia nisaotra ny fitondram-panjakana sy ireo mpandray anjara rehetra ny Tale Jeneraly ny INSCAE amin’ny fanatanterahana izao kaonferansa izao izay isany manampy ireo tanora eo amin’ny sehatry ny fitantanana ny fanatanjahantena.
