Tontosa ny Talata 2 may 2023 tao amin’ny Palais des Sports Mahamasina ny fiofanana Lifeskills Fanoitra module 2 sy module 3 mahakasika ny lohahevitra « Fanabeazana maha-olom-pirenena vanona, fandriampahalemana, ady amin’ny kolikoly, fiarovana ny tontolo iainana » sy ny « Fanabeazana amin’ny alalan’ny fialamboly », ho tohin’ny module 1 « Kolotsainan’ny vina » izay natomboky ny Ministeran’ny Tanora sy Fanatanjahatena, tarihin’Andriamatoa Minisitra André Haja RESAMPA nandritra ny telo volana voalohan’ity taona ity teto am’ny faritra Analamanga, ao anatin’ny fanatanterahana ny tetikasa Fanoitra mandritra ny 5 taona.
Tanora avy ao amin’ny Fikambanana UENNA na « Union des Etudiants Naturalistes Normaliens d’Antananarivo » sy avy ao amin’ny SENS na « Solidarité des Etudiants Normaliens Supérieurs » no nisitraka izany fiofanana izany.
Notanterahana ihany koa ny fanentanana mahakasika ny ady amin’ny zava-mahadomelina « roro » araka ny tsoa-kevitra navoakan’ny tanora niaraka tamin’ny Ministera ny sabotsy lasa teo, ny anapariahana ny fanentanana ny tanora malagasy rehetra amin’ny ady amin’io zava-mahadomelina io. Nentanina izy ireo mba handray andraikitra sy hanao izay azony hatao eo amin’ny mpiara-belona ho fiarahana mientana amin’izany.
Tonga nanotrona ary nirary soa ireo tanora ny Tale jeneraly misahana ny tanora, Ramatoa Tsikitsiky RAZANAMASY sy ireo Tale isan-tsokajiny eto anivon’ny Minisitera.
