MINISTÈRE DE LA JEUNESSE

ET DES SPORTS

FLASH

FIHAONAMBEN’NY KARATE MALAGASY

Notanterahana ny 27 may tao amin’ny Lapan’ny Fanatanjahantena Mahamasina ny lanonana fanokafana ny fihaonamben’ny Karate Malagasy izay mifanindran-dalana amin’ny fiadiana ny « Coupe du Président » izay haharitra roa andron’ny 27 hatramin’ny 28 may 2023.

Nandritra izany no nakarina eo amin’ny grady tempana mainty 6ème Dan ny Filoham-pirenena Andry RAJOELINA amin’ny maha mpikatroka ny taranja Karaté ny tenany ary notolorana ny mari-boninahitra « Commandeur de l’Ordre National » ihany koa i Grand Maitre Hanshi Réné RAMANITRANDRASANA, 10 ème Dan, izay Malagasy manana ny laharana ambony indrindra amin’ny karaté.

Fifehezantena sy lalana makany amin’ny fahombiazana ary voafatotry ny fitsipi-pitondrantena ny Karaté.

Loharano sy aingam-panahy ary fomba iray ahazoana heripo anaty faharetana mba hahombiazana amin’ny lafiny rehetra amin’ny fiainana ity taranja ty hoy ny Filoham-pirenena Andry RAJOELINA nandritra ny lahateniny.

Tonga nanome voninahitra izany ny Filoham-pirenena sy ny Praiminisitra lehiben’ny Governemanta, ny Filohan’ny Antenimeran-doholona, ny Minisitry ny Tanora sy ny Fanatanjahantena, Andriamatoa André Haja RESAMPA, notronin’ireo mpikambana vitsivitsy ao anatin’ny Governemanta ary ireo olo-manankaja maro samihafa.

Autre Articles

FIOFANANA LIFESKILLS FANOITRA

FIOFANANA LIFESKILLS FANOITRA

Tanora mahery ny dimanjato sy arivo no tonga niofana mahakasika ny LIFESKILLS FANOITRA (module 1: culture de vision), atolotry ny Minisiteran'ny Tanora sy ny Fanatanjahantena izay eo ambany fitarihan'Andriamatoa Minisitra TINOKA Roberto, izay natao tao amin'ny...

FANDALOVAN’NY RIVO-DOZA CHENESO

FANDALOVAN’NY RIVO-DOZA CHENESO

Mizotra araka ny tokony ho izy ny voin-kava mahatratra izay tanterahina ao amin'ny Faritr'i Menabe ho fanohanana ireo mponina ao an-toerana vokatry ny fandalovan'ny rivo-doza CHENESO. Tonga tao Morondava araka izany ny fanampiana avy amin’ny BNGRC. Tonga tao...

VOIN-KAVA MAHATRATRA

VOIN-KAVA MAHATRATRA

Ho fiaraha-mientana sy fanampiana ny mpiara-belona izay tra-boina noho ny fandalovan'ny rivo-doza CHENESO, dia mamita iraka any amin'ny Faritra Menabe ny Minisitry ny Tanora sy Fanatanjahantena, Andriamatoa TINOKA Roberto. Nisy avy hatrany ny fidinana ifotony...