Tontosa soa amantsara tamin’ny fomba ofisialy sy tamim-piralahiana, androany maraina tamin’ny 10 ora sasany ny fifamindram-pahefana teo amin’ny Ministry ny Tanora sy ny Alavoly, Andriantiana Jacques Ulrich, Minisitra teo aloha sy ny Minisitry ny Tanora sy ny Fanatanjahantena, Jean Anicet Andriamosarisoa, Minisitra vaovao, teto Ambohijatovo.
Tamin’ny fandraisam-pitenenana nataon’ ny Minisitra Andriantiana Jacques Ulrich, niarahaba ny fahatongavan’ny Ministra vaovao dia nanao tatitra fohy momba ny asa vita hatramin’izay. Nankasitraka ireo mpiara miasa taminy izy ary nanamafy fa nisy ny fahombiazana tamin’ izy ireo. Tsy nohadinoiny ihany koa ireo mpiara miombon’antoka rehetra niara-niasa tamin’ny ministera toy ny BIT, UNESCO, UNFPA, UNICEF, PNUD ,…, fikambanan’ny Tanora , “PPP”, … tamin’ny ezaka sy fanampiana nataony ho fanomezana asa sy tombontsoa ho an’ny tanora. Nofaranany tamin’ny tsodrano ny lahateniny, mba hitohy hatrany ny fahombiazana sy ny fiaraha miasa na dia natambatra ho iray aza ny Ministera.
Tamin’ny lahateny nataon’Andriamatoa Minisitry ny Tanora sy ny Fanatanjahantena, Jean Anicet Andriamosarisoa, Minisitra vaovao, dia nankasitraka tankitsipo sy nisaotra tamin’ny fandraisana sy ny fanotronan’ireo mpiara miasa tonga marobe. Nanome toky ny tenany fa hanao ezaka hampandroso ny Ministera hotantanany, indrindra moa fa tsy ho ataony ankilabao ny Departemanta ny Tanora ary hametraka amin’ny maha izy azy ny Tanora sy ny Fanatanjahantena.
Anisan’ny tanjona napetraky ny Minisitra Jean Anicet Andriamosarisoa ny fampandrosoana ny tanora miainga avy any ifotony. Hiezaka ihany koa ny hitady famantsiambola amin’ireo mpiara miombon’antoka .
Nofaranana tamin’ny fialahana hetaheta moa ny lanonana.
SC/MJL